தங்கம் விலை குறைந்தது.. இன்றைய நிலவரம் என்ன..?

சென்னை,

இந்த ஆண்டு தொடக்கத்தில் இருந்தே தங்கத்தின் விலை யாரும் எதிர்பார்க்காத வகையில் உயர்ந்தவாறு இருக்கிறது. பல்வேறு நாடுகளுக்கு இடையே திடீரென ஏற்படும் போர் பதற்றம் காரணமாகவும் தங்கம் விலை ஜெட் வேகத்தில் உயர்ந்து பின்னர் கணிசமாக குறைந்தது.

அந்த வகையில், கடந்த மாதம் 14-ந் தேதி வரலாறு காணாத வகையில் தங்கம் விலை உயர்ந்து ஒரு கிராம் ரூ.9,320-க்கும், ஒரு சவரன் ரூ.74,560-க்கும் விற்பனையானது. அதன் பின்னர் தங்கம் விலை தொடர்ந்து ஏற்ற, இறக்கத்துடன் காணப்பட்டு வருகிறது.

நேற்றுமுன்தினம் ஒரு பவுன் ரூ.72 ஆயிரத்து 80-க்கு விற்பனை செய்யப்பட்டது. இந்த சூழலில் தங்கத்தின் விலை நேற்று சற்று உயர்ந்தது. ஒரு கிராம் தங்கம் ரூ.50 உயர்ந்து ரூ.9 ஆயிரத்து 60-க்கும், ஒரு பவுன் ரூ.400 உயர்ந்து ரூ.72 ஆயிரத்து 480-க்கும் விற்பனை செய்யப்பட்டது.

இந்த நிலையில் இன்று தங்கம் விலை சற்று குறைந்துள்ளது.

அதன்படி சென்னையில் ஆபரணத் தங்கத்தின் விலை சவரனுக்கு ரூ.400 குறைந்து ஒரு சவரன் ரூ.72,000-க்கு விற்பனை செய்யப்படுகிறது. தங்கம் விலை கிராமுக்கு ரூ.60 குறைந்து ஒரு கிராம் ரூ.9,000-க்கு விற்பனை செய்யப்படுகிறது.

வெள்ளி விலையில் மாற்றமின்றி ஒரு கிராம் ரூ.120-க்கும், ஒரு கிலோ ரூ.1 லட்சத்து 20 ஆயிரத்திற்கும் விற்பனை செய்யப்பட்டு வருகிறது.

கடந்த 5 நாட்களில் தங்கம் விலை நிலவரம்:-

09.07.2025 ஒரு சவரன் ரூ. 72,000 (இன்று)

08.07.2025 ஒரு சவரன் ரூ. 72,480 (நேற்று)

07.07.2025 ஒரு சவரன் ரூ. 72,080

06.07.2025 ஒரு சவரன் ரூ. 72,480

05.07.2025 ஒரு சவரன் ரூ. 72,480