தமிழ், தெலுங்கு பட உலகில் முன்னணி கதாநாயகியாக இருந்தவர் அனுஷ்கா. 2005-ல் சினிமாவில் அறிமுகமான அவருக்கு அருந்ததி படம் திருப்புமுனையாக அமைந்தது. ரஜினிகாந்த், விஜய், அஜித்குமார், சூர்யா, விக்ரம், கார்த்தி என்று பெரிய கதாநாயகர்களுடன் ஜோடி சேர்ந்தார். பாகுபலி, ருத்ரமாதேவி படங்களும் அவருக்கு பெயர் வாங்கி கொடுத்தன. இஞ்சி இடுப்பழகி படத்துக்காக அனுஷ்கா உடல் எடையை கூட்டினார். அதன்பிறகு அதை குறைக்க முடியவில்லை. உடற்பயிற்சி, யோகா செய்தும் பலன் இல்லை. எடை கூடியதால் அவருக்கு பட வாய்ப்புகளும் குறைந்து விட்டன. ஒரு வருடமாக புதிய படங்களில் நடிக்காமல் இருக்கிறார்.
