தமிழில் காதல் சொல்ல வந்தேன், உயர்திரு 420, நந்தா நந்திதா உள்ளிட்ட படங்களில் நடித்துள்ள மேக்னா ராஜ் மலையாளம், கன்னட மொழியிலும் அதிக படங்களில் நடித்து இருக்கிறார். மேக்னா ராஜின் கணவரும், கன்னட நடிகருமான சிரஞ்சீவி சர்ஜா 2020-ம் ஆண்டு மாரடைப்பு ஏற்பட்டு மரணம் அடைந்தார். இவர்களுக்கு ஒரு ஆண் குழந்தை உள்ளது. மேக்னா ராஜுக்கு 32 வயதாகும் நிலையில் அவரிடம் 2-வது திருமணம் செய்து கொள்ளும்படி குடும்பத்தினர் வற்புறுத்தி வருகிறார்கள்.
இந்த நிலையில் 2-வது திருமணம் செய்து கொள்வீர்களா? என்ற கேள்விக்கு மேக்னா ராஜ் பதில் அளித்து கூறும்போது, ''எனது கணவர் மறைவுக்கு பிறகு குழந்தையின் எதிர்காலம் பற்றியே சிந்திக்கிறேன். என்னிடம் 2-வது திருமணம் செய்து கொள்ளும்படி சிலர் வற்புறுத்துகிறார்கள். இன்னும் சிலர் திருமணம் செய்து கொள்ள வேண்டாம் என்கிறார்கள். இப்போது 2-வது திருமணம் செய்து கொள்வது பற்றி எந்த முடிவும் எடுக்கவில்லை. வரும் காலங்களில் என்ன நடக்கும் என்று தெரியவில்லை. எனது மனம் என்ன சொல்கிறதோ அதன்படி நடப்பேன். 2-வது திருமண விஷயத்தில் நான் என்ன முடிவு எடுத்தாலும், சிரஞ்சீவி சர்ஜா என்னுடன் இருப்பார் என்ற நம்பிக்கை உள்ளது" என்றார்.