நடிகை டாப்சியிடம் நிருபர்கள் கேட்ட கேள்விகளும், அவற்றுக்கு அவர் அளித்த பதில்களும் வருமாறு;-
கேள்வி:- கேம் ஓவர் படத்தில் உங்களுக்கு என்ன வேடம்?
பதில்:- வீடியோ கேம் டிசைனராக நடித்து இருக்கிறேன்.
கேள்வி:- இந்தி பட உலகுக்கு சென்றது ஏன்? அதிக சம்பளம் கொடுக்கிறார்கள் என்பதற்காகவா?
பதில்:- அதிக சம்பளம் மட்டுமே காரணம் அல்ல. பெரும்பாலும் எல்லா கதாநாயகிகளுமே இந்தி படத்தில் நடிக்க ஆசைப்படுவார்கள். நானும் அதற்கு விதிவிலக்கு அல்ல.
கேள்வி: உங்களை லேடி சூப்பர் ஸ்டார் என்று அழைக்கிறார்களாமே..?
பதில்:- அப்படி என்னை அழைப்பது தவறு. அந்த பட்டம் எல்லா வகையிலும் நயன்தாராவுக்குத்தான் பொருந்தும். நான் திரையுலகுக்கு வந்து 7 வருடங்கள்தான் ஆகிறது. அவர் 15 வருடங்களாக நடித்துக் கொண்டிருக்கிறார். நான் ஒரு படத்துக்கு, ரூ.2.20 கோடிதான் வாங்குகிறேன். அவர் ஐந்தாறு கோடி வாங்குவதாக கேள்விப்படுகிறேன். கதாநாயகர்களுக்கு இணையான மார்க்கெட் அவருக்கு இருக்கிறது.
கேள்வி: கதாநாயகிகளை விட, கதாநாயகர்களுக்கு அதிக சம்பளம் கொடுக்கப்படுவது பற்றி உங்கள் கருத்து?
பதில்:- கதாநாயகிகளை விட, கதாநாயகர்களுக்கு அதிக சம்பளம் கொடுப்பதில் நியாயம் இருக்கிறது. அவர்களை வைத்துத்தான் வியாபாரம் நடக்கிறது.
கேள்வி: உங்களுக்கு மும்பையில் ஐந்தாறு வீடுகள் இருக்கிறதாமே... உண்மையா?
பதில்:- அய்யய்யோ... ஒரே ஒரு வீடுதான் வாங்கியிருக்கிறேன். அதையும் ரொம்ப கஷ்டப்பட்டு வாங்கினேன்.
கேள்வி: கேம் ஓவர் படத்தில் வீல் சேரிலேயே அமர்ந்து நடித்த அனுபவம் எப்படியிருந்தது?
பதில்:- ரொம்ப கஷ்டமாக இருந்தது. சில நாட்களில் 12 மணி நேரத்துக்கும் அதிகமாக வீல் சேரில் அமர்ந்து நடித்து இருக் கிறேன்.
இவ்வாறு டாப்சி கூறினார்.