சென்னை,

தேசிய விருது பெற்ற நடிகர் தனுஷ் தற்போது இயக்கி நடித்துள்ள படம் ''இட்லி கடை''. இந்தப் படம் ஆரம்பத்தில், ஏப்ரல் 10-ம் தேதி வெளியாகவிருந்தது, ஆனால் சில பணிகள் முடியாத காரணத்தால் அது ஒத்திவைக்கப்பட்டது.

தற்போது ''இட்லி கடை'' படம் தசரா விடுமுறையை முன்னிட்டு அக்டோபர் 1-ம் தேதி திரையரங்குகளில் வெளியாக உள்ளது. இதில் அருண் விஜய் வில்லனாக நடிக்கிறார். ''அர்ஜுன் ரெட்டி'' பட கதாநாயகி ஷாலினி பாண்டே, தனுஷின் சகோதரியாகவும் அருண் விஜய்க்கு ஜோடியாகவும் நடிப்பதாக தெரிகிறது.

100% காதல் படத்திற்குப் பிறகு ஷாலினி பாண்டே நடிக்கும் இரண்டாவது தமிழ் படம் இதுவாக இருக்கும். தனுஷுக்கு ஜோடியாக நித்யா மேனன் நடிக்கிறார். வுண்டர்பார் பிலிம்ஸ் மற்றும் டான் பிக்சர்ஸ் இணைந்து இந்த படத்தை தயாரிக்கின்றன. ஜி.வி. பிரகாஷ் இசையமைக்கிறார்.