சென்னை,
'டெடி' மற்றும் 'சார்ப்பட்டா பரம்பரை' திரைப்படங்களின் வெற்றியைத் தொடர்ந்து, நடிகர் ஆர்யா நடித்த திரைப்படம் 'கேப்டன்'. இயக்குனர் சக்தி சவுந்தர் ராஜன் இயக்கத்தில் உருவான இந்த திரைப்படம் சமீபத்தில் வெளியானது.
இந்த நிலையில் நடிகர் ஆர்யாவின் 34-வது படத்தின் அதிகாரப்பூர்வ அறிவிப்பு வெளியாகியுள்ளது. அதன்படி இந்த படத்தை குட்டிபுலி, கொம்பன், மருது, விருமன் உள்ளிட்ட படங்களை இயக்கிய இயக்குனர் முத்தையா இயக்கவுள்ளார். மேலும் இந்த படத்திற்கு இசையமைப்பாளர் ஜி.வி.பிரகாஷ் குமார் இசையமைக்கவுள்ளார்.
ஜீ ஸ்டுடியோஸ் மற்றும் டிரம்ஸ்டிக் புரொடக்சன்ஸ் இணைந்து தயாரிக்கும் இந்த படத்தின் படப்பிடிப்பு தொடங்கியுள்ளது. இதுகுறித்த அறிவிப்பை இசையமைப்பாளர் ஜி.வி.பிரகாஷ் தன்னுடைய சமூக வலைதளத்தில் போஸ்டர் ஒன்றை பகிர்ந்து அறிவித்துள்ளார்.