சென்னை,
நந்தமுரி பாலகிருஷ்ணா (பாலையா) தற்போது அகண்டா 2 படத்தில் நடித்து வருகிறார். இது அகண்டா படத்தின் தொடர்ச்சி என்பதாலும், மாஸ் இயக்குனர் போயபதி ஸ்ரீனு இயக்கியிருப்பதாலும், அகண்டா 2 மீது அனைவருக்கும் பெரும் எதிர்பார்ப்பு உள்ளது. இப்படம் டிசம்பர் 5 ஆம் தேதி வெளியாகிறது.
இதனையடுத்து, கோபிசந்த் மலினேனி இயக்கத்தில் பாலையா தனது அடுத்த படத்தில் நடிக்க உள்ளார். இந்தப் படம் பாலையாவின் கெரியரில் 111வது (என்.பி.கே111) படமாக இருக்கும்.
இந்த படம் கோபிசந்தின் முந்தைய படங்களிலிருந்து வித்தியாசமாக இருக்கும் என்று கூறப்படுகிறது. மேலும், இந்த படத்தில் பாலையா மீண்டும் இரட்டை வேடத்தில் நடிப்பார் என்றும், ஸ்பார்டகஸ் மற்றும் அலெக்சாண்டரின் கதாபாத்திரங்களால் ஈர்க்கப்பட்டு அந்த கதாபாத்திரங்களை அவர் வடிவமைத்திருப்பதாகவும் தெரிகிறது.