சென்னை,

தென்னிந்திய சினிமாவில் வளர்ந்து வரும் நடிகையாக இருப்பவர் ரெபா மோனிகா ஜான். இவர் தமிழ், கன்னடம், தெலுங்கு மற்றும் மலையாள திரைப்படங்களில் நடித்துள்ளார். 2016-ம் ஆண்டு "ஜாக்கோபினிடே ஸ்வர்கராஜ்யம்" என்னும் மலையாள திரைப்படத்தின் மூலம் திரையுலகிற்குள் அறிமுகமானவர்.

மேலும், தமிழில் 2018-ம் ஆண்டு ஜெய் நடித்த "ஜருகண்டி" திரைப்படத்தில் கதாநாயகியாக நடித்து அறிமுகமானவர். பின்னர், விஜய்யுடன் பிகில் படத்தில் நடித்திருந்தார். தொடர்ந்து, 2019-ம் ஆண்டு கன்னடத்திலும் நடித்து அறிமுகமானார். தெலுங்கில் தற்போது கல்யாண் ஷங்கர் இயக்கத்தில் உருவாகி உள்ள 'மேட் ஸ்கொயர்' படத்தில் சுவாதி ரெட்டி என்ற பாடலுக்கு ரெபா நடனமாடி இருக்கிறார். இப்படம் வருகிற மார்ச் மாதம் 29-ம் தேதி வெளியாக இருக்கிறது.

இந்நிலையில், இவரின் புதிய பட அறிவிப்பு வெளியாகி இருக்கிறது. அதன்படி, ஹுசைன் ஷா கிரண் இயக்கும் இப்படத்தில் ஸ்ரீ விஷ்ணு கதாநாயகனாக நடிக்கிறார். இப்படத்திற்கு 'மிருத்யுஞ்சய்' எனப்பெயரிடப்பட்டுள்ளது.