சென்னை,
ஐஸ்வர்யா லட்சுமி மலையாள சினிமாவில் நுழைந்து பல படங்களில் நடித்து இருந்தாலும் தமிழிலும் இவருக்கு ஏராளமான ரசிகர்கள் இருக்கிறார்கள். அந்த வகையில் 'ஜகமே தந்திரம்', விஷ்ணு விஷால் நடிப்பில் வெளியான 'கட்டா குஸ்தி', மணிரத்னம் இயக்கத்தில் வெளியான 'பொன்னியின் செல்வன்' ஆகிய திரைப்படங்கள் இவருக்கு நல்ல பெயரை பெற்று தந்தது.
இவர் தற்பொழுது 'ஹலோ மம்மி' என்ற திரைப்படத்தில் நடித்து முடித்துள்ளார். இப்படத்தை அறிமுக இயக்குனரான வைஷக் இளன்ஸ் இயக்கி உள்ளார். படத்திற்கான கதையை சஞ்சோ ஜோசப் எழுதியுள்ளார். இப்படத்தில் ஷரப் உதீன் கதாநாயகனாக நடித்துள்ளார். இது ஒரு காமெடி கலந்த பேண்டசி திரைப்படமாக உருவாகி உள்ளது. மேலும் இப்படத்தில் அஜு வர்கீஸ், ஜெகதீஷ், ஜானி ஆண்டனி, பிந்து பேனிக்கர், சன்னி இந்துஜா மற்றும் பலர் நடித்துள்ளனர்.
இப்படம் வருகிற 21-ந் தேதி திரையரங்குகளில் வெளியாக உள்ளது. இந்த நிலையில் இப்படத்தின் டிரெய்லரை சினிமா பிரபலங்கள் பலர் இன்று மாலை 5 மணியளவில் வெளியிட உள்ளனர். அந்த வகையில் நடிகை நயன்தாரா, விஜய் சேதுபதி, ரானா டகுபதி, மனோஜ் பாஜ்பயீ, பகத் பாசில், நிவின் பாலி, உன்னி முகுந்தன் மற்றும் பிருத்விராஜ் சுகுமாறன் ஆகியோர் இப்படத்தின் டிரெய்லரை வெளியிட உள்ளனர்.
View this post on Instagram