நடிகைகள் பெண் இயக்குனர்கள் பாடகிகள் உள்ளிட்டோர் திரையுலகில் பாலியல் தொல்லையால் பாதிக்கப்பட்டதை மீ டூவில் பதிவிட்டு வருகிறார்கள். முன்னணி நடிகர்கள், இயக்குனர்கள், தயாரிப்பாளர்கள் இதில் சிக்கி உள்ளனர். தமிழ், கன்னட பட உலகில் பிரபல கதாநாயகனாக இருக்கும் அர்ஜூன் மீது கன்னட நடிகை சுருதி ஹரிகரன் பாலியல் புகார் கூறினார். படப்பிடிப்பு ஒத்திகையில் அர்ஜூன் இறுக்கமாக கட்டி அணைத்தார் என்றும் ரிசார்ட்டுக்கு அழைத்தார் என்றும் அவர் தெரிவித்தார். இதனை அர்ஜூன் மறுத்ததுடன் சுருதி ஹரிகரன் மீது ரூ.5 கோடி மான நஷ்ட வழக்கு தொடர்ந்துள்ளார்.