சென்னை,
இந்த ஆண்டில் இதுவரை வெளியான படங்களில் அதிக வசூல் செய்த படமாக விக்கி கவுஷலின் 'சாவா' திரைப்படம் உள்ளது. ரூ. 130 கோடி பட்ஜெட்டில் உருவான இந்த வரலாற்றுப் படம் உலகளவில் ரூ. 808.70 கோடி வசூல் செய்துள்ளது.கடந்த எட்டு மாதங்களில், எந்தப் படத்தாலும் 'சாவா' படத்தின் வசூலை மிஞ்ச முடியவில்லை.
குறைந்த பட்ஜெட்டில் எடுக்கப்பட்ட 'சயாரா' திரைப்படம் 2025-ம் ஆண்டில் அதிக வசூல் செய்த படங்களில் ஒன்றாகும். இந்தப் படம் பல வாரங்களாக திரையரங்குகளில் ஓடியது. ஆரம்பத்தில், இந்தப் படம் நல்ல வசூலை வசூலித்தது.
வார் 2 மற்றும் கூலி படங்கள் வெளியான பிறகு, சயாராவின் வசூல் வேகம் குறைந்தது. இருப்பினும், இந்த ஆண்டின் இரண்டாவது அதிக வசூல் செய்த படம் இது. இந்தப் படம் உலகளவில் ரூ. 542.40 கோடி வசூலித்துள்ளது.
ரஜினிகாந்தின் ''கூலி'' படம் மூன்றாவது இடத்தில் உள்ளது. இந்தப் படம் வெளியாகி 10 நாட்கள் மட்டுமே ஆகி இருக்கும்நிலையில், நன்கு வசூலித்துள்ளது. இந்தப் படம் இதுவரை உலகளவில் ரூ. 468 கோடி வசூலித்திருக்கிறது.
கூலி படத்துடன், வார் 2 படமும் வெளியானது. இருப்பினும், வசூலைப் பொறுத்தவரை, கூலிதான் முந்தியுள்ளது. வார் 2 சமீபத்தில் ரூ. 300 கோடி வசூலை தாண்டியது. பட்டியலில் வார் நான்காவது இடத்தில் உள்ளது.
ஹவுஸ்புல் 5 படம் அதிக வசூலில் ஐந்தாவது படம். மிகப்பெரிய பட்ஜெட்டில் தயாரிக்கப்பட்ட இந்தப் படம், உலகளவில் ரூ. 292 கோடி வசூலித்தது. இவற்றுக்கு அடுத்ததாக மஹாவதார் நரசிம்மா, மோகன்லாலின் எல் 2 எம்புரான் மற்றும் அமீர்கானின் சிதாரே ஜமீன் பர் உள்ளிட்ட படங்கள் உள்ளன. அஜித்தின் ''குட் பேட் அக்லி'' படம் பட்டியலில் 10 வது இடத்தில் உள்ளது.