மலையாள சினிமாவில் முன்னணி நடிகராக வலம் வருபவர் உன்னி முகுந்தன். இவர் மலையாளத்தில் 'மார்கோ', தமிழில் "கருடன் போன்ற சூப்பர்ஹிட் படங்களை கொடுத்துள்ளார்.
இந்த நிலையில்,நடிகர் உன்னி முகுந்தன் கிராந்தி குமார் இயக்கத்தில் இந்திய பிரதமர் நரேந்திர தாமோதரதாஸ் மோடியாக 'மா வந்தே' என்ற படத்தில் நடிக்க உள்ளார். பிரதமர் நரேந்திர மோடியின் வாழ்க்கை வரலாற்றுத் திரைப்படம் இந்தியாவின் முன்னணி நுட்ப நிபுணர்களின் பங்களிப்புடனும் சர்வதேச தரத்தில் உருவாக்கப்பட உள்ளது.
இந்நிலையில், உன்னி முகுந்தன் 'மா வந்தே' படத்தில் நடிப்பது குறித்து பேசியுள்ளார். அதாவது, இந்திய பிரதமர் நரேந்திர தாமோதரதாஸ் மோடியாக 'மா வந்தே' படத்தில் நடிப்பது எனக்கு பெருமை; இது எனக்கு இன்னொரு கதாபாத்திரம் அல்ல! பெரிய பொறுப்பு; எளிய குடும்பப் பின்னணியில் இருந்து வந்து இந்திய தேசத்தின் வளர்ச்சிக்காக அனைத்தையும் தியாகம் செய்ததை பற்றி பேசும் இந்தக் கதைக்கு நியாயம் செய்வேன் என்று நம்புகிறேன். என்று கூறியுள்ளார்.