ரஜினிகாந்த் 70-வது பிறந்த நாள்: பிரபலங்கள் சிரஞ்சிவி, மோகன் லால், சச்சின் தெண்டுல்கர், சிவகார்த்திகேயன் வாழ்த்து

சென்னை

நடிகர் ரஜினிகாந்த் இன்று தனது 70வது பிறந்தநாளைக் கொண்டாடி வருகிறார்.  அவருக்கு நேரில் வாழ்த்து தெரிவிக்க, ரஜினி வசிக்கும் போயஸ் கார்டன் இல்லம் முன் ஏராளமான ரசிகர்களும், ரசிகைகளும்  குவிந்ததால்  ஏராளமான போலீசார் பாதுகாப்பு பணியில் ஈடுபடுத்தப்பட்டனர்.

ரஜினிகாந்த் தனது அரசியல் திட்டங்களை உறுதியாக அறிவித்த பின்னர் கொண்டாடும் முதல் பிறந்த நாள் இது. அவருக்கு தலைவர்கள்- பிரபலங்கள் வாழ்த்து தெரிவித்து வருகின்றனர்

ரஜினிகாந்த்துக்கு  பிரபல தெலுங்கு நடிகர்கள் சிரஞ்சிவி, மகேஷ் பாபு, மலையாள நடிகர்கள் மோகன்லால், துல்கர் சல்மான், கிரிக்கெட் ஜாம்பவான் சச்சின் தெண்டுல்கர்,நடிகர்கள் சிவகார்த்திகேயன், சூரி, நடிகைகள், கீர்த்தி சுரேஷ், ஹன்சிகா உள்பட பலர் வாழ்த்து தெரிவித்து உள்ளனர்.