பாக்யராஜ்-ரேகா ஆகிய இருவரும் முக்கிய வேடங்களில் இதில் நடிக்கிறார்கள். கதாநாயகனாக கிஷோர் அறிமுகமாக, அவருக்கு ஜோடியாக சஸ்வதா நடிக்கிறார். டி.பி.கஜேந்திரன், அனுமோகன், அண்ணாதுரை கண்ணதாசன், டைரக்டர் கிருஷ்ணா, மயில்சாமி ஆகியோர் நகைச்சுவை வேடங்களில் நடித்துள்ளனர். வில்லனாக ஜெரால்ட் நடித்து இருக்கிறார்.
நாடகம், தொலைக்காட்சி தொடர்கள், திரைப்படங்கள் ஆகிய மூன்று துறைகளிலும் அனுபவப்பட்ட பி.என்.சி.கிருஷ்ணா டைரக்டு செய்கிறார். எஸ்.நாராயணன், எஸ்.சரவணகுமார் ஆகிய இருவரும் தயாரிக்கிறார்கள். ``சாலை விபத்தின் தாக்கத்தை இதுவரை சொல்லப்படாத முற்றிலும் புதிய கோணத்தில், இந்த படத்தில் அணுகியிருக்கிறோம்'' என்கிறார், டைரக்டர் கிருஷ்ணா.