சினிமா செய்திகள்
‘ஒன் 2 ஒன்’ படத்தில் சுந்தர் சி. ஜோடி, ராகினி திவேதி
திரிஷா நடித்து வெளிவந்த ‘பரமபத விளையாட்டு’ படத்தை டைரக்டு செய்தவர், கே.திருஞானம். அடுத்து இவர் டைரக்டு செய்யும் படத்துக்கு, ‘ஒன் 2 ஒன்’ என்று பெயர் சூட்டப்பட்டுள்ளது.
இதில் சுந்தர் சி. கதாநாயகனாக நடிக்க, அவருக்கு ஜோடியாக ராகினி திவேதி நடிக்கிறார். இவர் தெலுங்கு மற்றும் கன்னட படங்களில் நடித்தவர். தமிழில் இவர் நடிக்கும் 3-வது படம், இது.
விஜய் வர்மா, ஜார்ஜ் ஆண்டனி, விச்சு, மானஸ்வி ஆகியோர் முக்கிய கதாபாத்திரங்களில் நடிக்க ஒப்பந்தமாகி இருக்கிறார்கள். வில்லன் வேடத்தில் நடிக்க ஒரு பிரபல நடிகரிடம் பேச்சுவார்த்தை நடத்தி வருகிறார்கள்.
படப்பிடிப்பு இம்மாதம் இறுதியில் தொடங்க இருக்கிறது.