‘அவெஞ்சர்ஸ்: டூம்ஸ்டே’ பார்க்க தயாரா? இந்தியாவில் முன்பதிவு தொடக்கம்

உலகளவில் வருகிற டிசம்பர் 18 ஆம் தேதியில் படம் வெளியாகவுள்ள நிலையில், இந்தியாவில் மட்டும் ஒருநாள் முன்கூட்டியே டிசம்பர் 17-ல் வெளியாவதாக படக்குழு அறிவித்துள்ளது.
‘அவெஞ்சர்ஸ்: டூம்ஸ்டே’ பார்க்க தயாரா? இந்தியாவில் முன்பதிவு தொடக்கம்
Published on: 

இந்தியாவில் 'அவெஞ்சர்ஸ்: டூம்ஸ்டே' படத்திற்கான டிக்கெட் முன்பதிவுகள் தொடங்கியுள்ளன.

ரூசோ பிரதர்ஸ் மீண்டும் இணைவு

உலகம் முழுவதும் கோடிக்கணக்கான ரசிகர்களை கொண்டுள்ள மார்வெல் சூப்பர் ஹீரோ திரைப்பட வரிசையில் அடுத்ததாக வெளியாகவுள்ள 'அவெஞ்சர்ஸ்: டூம்ஸ்டே' திரைப்படம் மீது மிகுந்த எதிர்பார்ப்பு நிலவி வருகிறது.

'அவெஞ்சர்ஸ்: இன்பினிட்டி வார்' மற்றும் 'அவெஞ்சர்ஸ்: எண்ட்கேம்' போன்ற மாபெரும் வெற்றிப் படங்களை இயக்கிய ரூசோ பிரதர்ஸ், 'அவெஞ்சர்ஸ்: டூம்ஸ்டே' படத்தையும் இயக்கியுள்ளனர். இந்தப் படத்தில் ராபர்ட் டவுனி ஜூனியர் முக்கிய கதாபாத்திரத்தில் நடித்துள்ளார். மேலும், ஷூரி, கிறிஸ் எவன்ஸ், ஜேம்ஸ் மார்ஸ்டன், வனேசா கிர்பி, ரெபேக்கா ரோமிஜின் உள்ளிட்ட பலரும் முக்கிய கதாபாத்திரங்களில் நடித்துள்ளனர்.

‘டாக்டர் டூம்’

மார்வெல் காமிக்ஸ் கதைகளின் சூப்பர் வில்லனான 'டாக்டர் டூம்' கதாபாத்திரத்தை முதன்மையாகக் கொண்டு உருவாகியுள்ள இந்தப் படம் மார்வெல் ரசிகர்களிடையே பெரும் எதிர்பார்ப்பை உருவாக்கியுள்ளது. அயர்ன் மேன் கதாபாத்திரத்தில் நடித்து உலகம் முழுவதும் கோடிக்கணக்கான ரசிகர்களை ஈர்த்த நடிகர் ராபர்ட் டவுனி ஜூனியர் இப்படத்தில் 'டாக்டர் டூம்' கதாபாத்திரத்தில் நடித்துள்ளார்.

டிசம்பர் 18-ல் உலகம் முழுவதும் ரிலீஸ்

மார்வெல் ரசிகர்கள் ஆவலுடன் எதிர்பார்த்து வரும் 'அவெஞ்சர்ஸ்: டூம்ஸ்டே' திரைப்படம், வரும் டிசம்பர் 18-ஆம் தேதி உலகம் முழுவதும் திரையரங்குகளில் வெளியாக உள்ளது. இதற்கான விளம்பர பணிகளை படக்குழு தீவிரமாக மேற்கொண்டு வருகிறது.

இந்தியாவில் டிசம்பர் 17-ல் ரிலீஸ்

'அவெஞ்சர்ஸ்: டூம்ஸ்டே' படத்தின் தமிழ் பதிப்பின் டீசரை படக்குழு வெளியிட்டது. உலகளவில் வருகிற டிசம்பர் 18 ஆம் தேதியில் படம் வெளியாகவுள்ள நிலையில், இந்தியாவில் மட்டும் ஒருநாள் முன்கூட்டியே டிசம்பர் 17-ல் வெளியாவதாக படக்குழு அறிவித்துள்ளது.

டிக்கெட் முன்பதிவு

இந்த நிலையில், இந்தியாவில் அவெஞ்சர்ஸ்: டூம்ஸ்டே' படத்திற்கான டிக்கெட் முன்பதிவுகள் தொடங்கியுள்ளன. அதாவது, தற்போது இன்பினிட்டி விஷன் (Infinity Vision) என்று சான்றளிக்கப்பட்ட தியேட்டர்களில் முன்பதிவு தொடங்கியுள்ள நிலையில், MULTIPLEX, 2D, 3D தியேட்டர்களுக்கான முன்பதிவுகள் இன்று மதியம் முதல் படிப்படியாகத் தொடங்குகின்றன. இந்த படத்திற்கான டிக்கெட் முன்பதிவினை மிக ஆர்வத்துடன் செய்து வருகின்றனர்‘

X