தெலுங்கு திரையுலகில் முன்னணி நடிகராக இருப்பவர் பாலையா. இவர் தெலுங்கு திரையுலகில் இதுவரை 100-க்கும் மேற்பட்ட படங்களில் நடித்துள்ளார். கடந்த 2021-ம் ஆண்டு போயபதி சீனு இயக்கத்தில் 'அகண்டா' என்ற படத்தில் நடித்திருந்தார். இப்படம் 2021-ம் ஆண்டு வெளியான தெலுங்குப் படங்களில் அதிக வசூல் செய்த ஒன்றாக அமைந்தது. இதில் பிரக்யா ஜெய்ஸ்வால், ஜகபதி பாபு, பூர்ணா, அவினாஷ், விஜி சந்திரசேகர் உள்ளிட்டோர் நடித்திருந்தனர்.

இந்த படத்தின் மாபெரும் வரவேற்பினைத் தொடர்ந்து 2-ம் பாகத்திற்கான அறிவிப்பு வெளியாகி முதல்கட்ட படப்பிடிப்பு நடைபெற்றது. முதல் பாகத்தில் பணிபுரிந்த தொழில்நுட்பக் குழுவினரே இரண்டாம் பாகத்திலும் பணிபுரிகின்றனர். இந்த படத்திற்கு தமன் இசையமைக்கிறார்.

இப்படம் செப்டம்பர் மாதம் 25-ந் தேதி வெளியாக உள்ளநிலையில், கும்பமேளாவை முன்னிட்டு உத்தரபிரதேசத்தில் உள்ள பிரயாக்ராஜில் இதன் அடுத்தக்கட்ட படப்பிடிப்பு துவங்கியுள்ளது.

தற்போது இந்த படத்தில் கதாநாயகியாக நடிக்க நடிகை சம்யுக்தா மேனன் இணைந்துள்ளதாக கூறப்படுகிறது. இவர் மலையாளத்தில் பல படங்களில் நடித்திருந்தாலும் தமிழில் வாத்தி மற்றும் தெலுங்கில் டெவில், விஷ்வாம்பர பிம்பிசாரா உள்ளிட்ட படங்களில் நடித்துள்ளார்.