கொச்சி,
திரையிசை பாடகர் கே.ஜே. யேசுதாசின் இளைய சகோதரர் கே.ஜே. ஜஸ்டின் (வயது 62). காக்கநாடு பகுதியில் வாடகை வீட்டில் தனது குடும்பத்துடன் வசித்து வந்த இவர் கடந்த 4ந்தேதி இரவு காணாமல் போனார். இதுபற்றி கேரள போலீசில் அளிக்கப்பட்ட புகாரை தொடர்ந்து விசாரணை மேற்கொள்ளப்பட்டு வந்தது.
இந்த நிலையில், கொச்சி நகரின் வல்லார்படம் பகுதியில் ஆற்றங்கரையோரம் ஜஸ்டினின் உடல் கண்டெடுக்கப்பட்டு உள்ளது.
இதுபற்றி முலவுகாடு காவல் நிலைய அதிகாரி சுனு கூறும்பொழுது, ஜஸ்டினுக்கு கடுமையான நிதி நெருக்கடி ஏற்பட்டு இருந்தது. அதனால் அவர் தற்கொலை முடிவை எடுத்திருக்க கூடும் என சந்தேகிக்கப்படுகிறது.
எனினும், அவர் உயிரிழந்தது பற்றிய உண்மையான காரணம் இன்னும் உறுதி செய்யப்படவில்லை என கூறியுள்ளார். அவரது உடல் எர்ணாகுளம் பொது மருத்துவமனைக்கு கொண்டு செல்லப்பட்டு உள்ளது.
