விஜய் நடித்து பொங்கல் விருந்தாக திரைக்கு வந்த மாஸ்டர், அவருடைய 64-வது படம். இதையடுத்து அவர் நடிக்கும் 65-வது படத்தை நெல்சன் டைரக்டு செய்கிறார். இவர் நயன்தாரா நடித்த கோலமாவு கோகிலா படத்தை டைரக்டு செய்தவர்.
இந்தப் படத்துக்கு தற்காலிகமாக, தளபதி-65 என்று பெயர் சூட்டப்பட்டு இருக்கிறது. இதில், விஜய்க்கு ஜோடியாக பிரபல இந்தி நடிகை பூஜா ஹெக்டே நடிப்பார் என்று பேசப்படுகிறது. இவர், 2010-ம் ஆண்டு நடந்த உலக அழகிப் போட்டியில், மூன்றாவது இடத்தை பிடித்தவர். ஏற்கனவே மிஷ்கின் இயக்கத்தில் வெளிவந்த முகமூடி படத்தில் நடித்து இருந்தார். சில வருட இடை வெளிக்குப்பின் மீண்டும் அவர் தமிழ் பட உலகுக்கு வருகிறார்.