சென்னை,
அறிமுக இயக்குனர் ஹரிஹரன் ராம் இயக்கத்தில் ரியோ ராஜ் மற்றும் மாளவிகா மனோஜ் நடிப்பில் கடந்த ஆண்டு வெளியான திரைப்படம் 'ஜோ'. இந்த திரைப்படம் விமர்சன ரீதியாகவும் வசூல் ரீதியாகும் நல்ல வரவேற்பை பெற்றது. இந்த நிலையில் 'பிளாக் ஷீப்' கலையரசன் தங்கவேல் இயக்குனராக அறிமுகமாகும் புதிய படத்தில் 'ஜோ' பட ஜோடி மீண்டும் இணைந்து நடிக்கவுள்ளனர்.
டிரம்ஸ்டிக்ஸ் புரொடக்சன்ஸ் நிறுவனம் தயாரிக்கும் இந்த படத்துக்கு சித்துகுமார் இசையமைக்கிறார். மாதேஷ் மாணிக்கம் ஒளிப்பதிவு செய்கிறார். இந்த ஆண்டின் பிற்பகுதியில் இந்த படத்தை வெளியிட படக்குழு திட்டமிட்டுள்ளது. இந்த நிலையில் இந்த படத்தின் படப்பிடிப்பு பூஜையுடன் இன்று சென்னையில் தொடங்கியது.
