சென்னை,

தமிழில் வெளியாகி வெற்றி பெற்ற முன்னணி நடிகர்களின் படங்களை டிஜிட்டலில் புதுப்பித்து மீண்டும் ரீ-ரிலீஸ் செய்து வருகிறார்கள். அந்த வகையில் கடந்த 2005-ம் ஆண்டு தமிழ்புத்தாண்டு தினத்தில் விஜய் மற்றும் ஜெனிலியா நடிப்பில் வெளியான படம் 'சச்சின்' ரீ-ரிலீஸ் செய்யப்பட உள்ளது. ஜான் இயக்கியுள்ள இப்படத்தை கலைப்புலி தாணு தயாரித்து இருந்தார். இந்த படத்தில் வடிவேலு, சந்தானம், பாலாஜி, ரகுவரன் நடித்து இருந்தனர்.

'சச்சின்' திரைப்படம் வெளியாகி 20 ஆண்டுகள் நிறைவடைவதையொட்டி வருகிற ஏப்ரல் 18-ந்தேதி திரையரங்குகளில் வெளியாக உள்ளது. ரசிகர்களால் பெரிதும் ஆவலுடன் எதிர்பார்க்கப்பட்ட இப்படம் தரம் உயர்த்தப்பட்டு 4கே தரத்தில் வெளியாக உள்ளது. இந்த நிலையில், தயாரிப்பாளர் தாணு சச்சின் படத்தின் டிரெய்லரை வெளியிட்டுள்ளார்.