சென்னை,
இயக்குனர் பாலா இயக்கத்தில் நடிகர் சூர்யா தற்போது நடித்து வரும் திரைப்படம் 'வணங்கான்'. இந்த படத்தில் கதாநாயகியாக கீர்த்தி ஷெட்டி நடிக்கிறார். ஜி.வி பிரகாஷ் இசையமைக்கும் இந்த படத்தை '2டி என்டர்டெயின்மெண்ட்' நிறுவனம் தயாரிக்கிறது.
இந்த படத்தின் முதல் கட்ட படப்பிடிப்பு கடந்த மே மாதம் கன்னியாகுமரியில் முடிவடைந்தது. அடுத்தக்கட்ட படப்பிடிப்பு கோவாவில் நடத்த திட்டமிடப்பட்டுள்ளது. இந்த நிலையில், 'வணங்கான்' படத்தின் புதிய அப்டேட் வெளியாகியுள்ளது.
அதன்படி, 'வணங்கான்' படத்தின் பாடல்கள் பதிவு செய்யும் பணிகள் தற்போது நடைபெற்று வருகின்றன என்று படக்குழு தெரிவித்துள்ளது. இந்த அறிவிப்பை ஜி.வி. பிரகாஷ் தன்னுடைய சமூக வலைதளப் பக்கத்தில் தெரிவித்துள்ளார்.