விஜய் ஆண்டனி இசையில் ‘அப்பா குட்டி’ படத்தின் பர்ஸ்ட் சிங்கிளான ‘அப்பாவ போல ’ பாடல் வெளியானது.
விஜய் ஆண்டனி ஆரம்பத்தில் இசையமைப்பாளராக திரைத்துறையில் நுழைந்தவர். பின்னர் நடிப்பதிலும் ஆர்வம் கெண்டு "சலீம், இந்தியா பாகிஸ்தான், பிச்சைக்காரன்" உள்ளிட்ட படங்களின் மூலம் ரசிகர்கள் மத்தியில் பிரபலமடைந்தார்.
இவர் தற்போது இயக்குநர் மு.மாறன் இயக்கத்தில் நாயகனாக நடித்துள்ள புதிய படம் ‘அப்பா குட்டி’. விஜய் ஆண்டனி பிலிம் கார்பரேஷன் நிறுவனம் தயாரிக்கும் இப்படம், தந்தை மற்றும் மகள் இடையேயான உறவை மையமாகக் கொண்டு உருவானதாகத் தெரியவருகிறது. தெலுங்கு மொழியில் ‘நாநா குட்டி’ எனப் பெயரிடப்பட்டுள்ளது.
நடிகர்கள் பிரீத்தி அஸ்ரானி, பகவதி பெருமாள், ஜென்ஸன் திவாகர், அருவி மதன், ஹரிபிரியா, லிஸ்ஸி ஆண்டனி உள்ளிட்டோர் இப்படத்தில் முக்கிய கதாபாத்திரங்களில் நடித்துள்ளனர். கதாநாயகனாக நடிக்கும் விஜய் ஆண்டனியே இப்படத்துக்கு இசையமைப்பாளராகவும் உள்ளார். இந்தப் படத்தின் படப்பிடிப்பு சமீபத்தில் நிறைவடைந்தது.
இந்நிலையில், விஜய் ஆண்டனி நடிப்பில் உருவாகியுள்ள ‘அப்பா குட்டி’ திரைப்படம் வரும் நவம்பர் 6ம் தேதி வெளியாகும் என படக்குழு அறிவித்துள்ளது. இத்திரைப்படம் முதலில் அக்டோபர் 16ம் தேதி வெளியாகும் என படக்குழு அறிவித்திருந்தது.
இந்த நிலையில், ‘அப்பா குட்டி’ படத்தின் பர்ஸ்ட் சிங்கிளான ‘அப்பாவ போல’ என்ற பாடல் வெளியானது. இந்த பாடலுக்கு விஜய் ஆண்டணி இசையமைத்துள்ளார் என்பது குறிப்பிடத்தக்கது. இப்பாடலை ஏகதேசி, அருண் பாரதி வரிகளில் மீனாட்சி இளையராஜா பாடியுள்ளார்.
