விஷாலின் 28-வது படத்தை சொந்த பட நிறுவனமான விஷால் பிலிம் பேக்டரியே தயாரிக்கிறது. அதில் விஷால் கதாநாயகனாக நடிக்க, அவருக்கு ஜோடிகளாக ஸ்ரதா ஸ்ரீநாத், ரெஜினா கசண்ட்ரா ஆகிய இருவரும் நடிக்கிறார்கள்.
ஸ்ரதா ஸ்ரீநாத், `விக்ரம் வேதா,' `நேர்கொண்ட பார்வை' ஆகிய 2 படங்களிலும் நடித்தவர். ரெஜினா கசண்ட்ரா, `ராஜதந்திரம்,' `மாநகரம்' படங்களில் நடித்தவர்.
இன்னும் பெயர் சூட்டப்படாத இந்த படத்தின் முதல் கட்ட படப்பிடிப்பு சென்னையில் 15 நாட்கள் நடைபெற்றது. இரண்டாம் கட்ட படப்பிடிப்பு கோவையில் நடக்கிறது. இறுதிக்கட்ட படப்பிடிப்பை மீண்டும் சென்னையில் நடத்த திட்டமிட்டு இருக்கிறார்கள்.