சென்னை,
தமிழ் சினிமாவின் முன்னணி நடிகர்களில் ஒருவர் தனுஷ். இவர் இயக்கி நடித்து இட்லி கடை படம் கடந்த 1ந் தேதி வெளியாகி நல்ல வரவேற்பை பெற்று வருகிறது. 'இட்லி கடை' படத்தை தொடர்ந்து 'தேரே இஷ்க் மெயின்' என்ற பாலிவுட் படத்தில் நடித்து வருகிறார் தனுஷ்.
இதற்கிடையில், போர் தொழில் பட இயக்குனர் இயக்குனர் விக்னேஷ் ராஜா இயக்கத்தில் தனது 54வது படத்தில் நடித்து முடித்துள்ளார். இப்படத்திற்கு தற்காலிகமாக "டி54" என்ற தலைப்பு வைக்கப்பட்டுள்ளது. வேல்ஸ் பிலிம்ஸ் இண்டர்நேஷனல்ஸ் நிறுவனம் தயாரிக்கும் இப்படத்தில் தனுஷுக்கு ஜோடியாக மமிதா பைஜு நடித்துள்ளார். இந்த படம் பிரமாண்டமான பெருட்செலவில், பரபரப்பான கதைக்களத்தில், எமோஷனல் திரில்லராக உருவாகியுள்ளது.
இந்தநிலையில், "டி54" பட தயாரிப்பாளர் ஐசரி கணேஷ், பேட்டி ஒன்றில் இப்படம் குறித்த தகவல்களை பகிர்ந்துள்ளார். அதாவது, "டி54" படத்தின் படப்பிடிப்பு பணிகள் நிறைவடைந்துள்ளதாகவும், அடுத்த ஆண்டு பிப்ரவரி மாதம் இந்த படத்தினை திரையிட திட்டமிட்டுள்ளதாகவும் கூறியுள்ளார். இதனால், படத்தின் ரிலீஸை எதிர்பார்த்து ரசிகர்கள் ஆவலுடன் காத்துக் கொண்டுள்ளனர்.