நகைச்சுவை நடிகராக கொடி கட்டி பறக்கும் யோகிபாபு கதாநாயகனாகவும் நடிக்கிறார். அடுத்து சிம்புத்தேவன் இயக்கும் சரித்திர கதையம்சம் உள்ள படத்தில் யோகிபாபு நடிப்பது உறுதியாகி உள்ளது. சிம்புத்தேவன் இயக்கத்தில் வடிவேலு, நாசர், மனோராமா உள்ளிட்டோர் நடித்த இம்சை அரசன் 23-ம் புலிகேசி சரித்தர படம் 2006-ல் வெளியாகி பெரிய வெற்றி பெற்றது. வடிவேலுவின் சினிமா வாழ்க்கையில் முக்கிய படமாகவும் அமைந்தது. இரண்டு வேடங்களில் அதில் நடித்து இருந்தார். அந்த படத்தின் இரண்டாம் பாகத்தை இம்சை அரசன் 24-ம் புலிகேசி என்ற பெயரில் படமாக்கியபோது தகராறு செய்து வடிவேலு விலகியதால் படம் நின்று போனது. இதற்காக வடிவேலு புதிய படங்களில் நடிக்க தயாரிப்பாளர் சங்கம் தடைவிதித்து நடவடிக்கையும் எடுத்தது. தற்போது யோகிபாபு நடிக்கும் படத்தை இம்சை அரசன் 23-ம் புலிகேசி சாயலில் நகைச்சுவை கதையம்சம் கொண்ட ராஜா காலத்து சரித்திர படமாக சிம்புத்தேவன் எடுக்கிறார். கசட தபற, விக்டிம் படங்களுக்கு பிறகு சிம்புத்தேவன் இந்த படத்தை இயக்குகிறார்.
