திரையுலகில் ஒவ்வொரு வாரமும் பல புதிய படங்கள் ரிலீசாகி வருகின்றன. கடந்த சில ஆண்டுகளில் ஓ.டி.டி. தளங்கள் அதிக பிரபலம் அடைந்துள்ளதை அடுத்து, பல படங்கள் ஓ.டி.டி.யில் வெளியிடப்பட்டு வருகின்றன. திரையரங்குகளை போலவே ஓ.டி.டி. தளங்களிலும் ஏராளமான படங்கள் வெளியாகி வருகின்றன. அந்த வகையில், இந்த வாரம் எந்த திரைப்படங்கள் மற்றும் தொடர்கள் எந்தெந்த ஓ.டி.டி தளங்களில் வெளியாக உள்ளன என்பதைக் காணலாம்.
பரமன்
சன் நெக்ஸ்ட்
வருணன்
ஆஹா
இஎம்ஐ
டெண்ட்கொட்டா
28 டிகிரி செல்சியஸ்
அமேசான் பிரைம்
முத்தய்யா
ஈடிவி வின்
பிரோமன்ஸ்
சோனி லிவ்
காலபத்தர்
சன் நெக்ஸ்ட்
பிளாக் வைட் அண்ட் கிரே
சோனி லிவ்
குல்:தி லெகசி ஆப் தி ரைசிங்க்ஸ்
ஜியோ ஹாட்ஸ்டார்
முண்டாசுப்பட்டி', 'பரியேறும் பெருமாள்' 'ஜெய்பீம்' உட்பட பல்வேறு படங்களில் குணசித்திர வேடங்களில் நடித்துள்ள சூப்பர் குட் சுப்பிரமணி, கதையின் நாயகனாக நடித்துள்ள படம், 'பரமன்'. பழ கருப்பையா வில்லனாக நடிக்க, ஒரு சீரியஸான கதாபாத்திரத்தில் வையாபுரி நடித்துள்ளார்.
மறைந்த நடிகை விஜே சித்ரா நடித்த 'கால்ஸ்' படத்தை இயக்கிய சபரிஸ் இயக்கியுள்ள இப்படம் நேற்று (மே 1) சன் நெக்ஸ்ட் ஓடிடி தளத்தில் வெளியானது.
கேப்ரியல்லா, துஷ்யந்த் ஜெயபிரகாஷுடன் இணைந்து நடித்துள்ள திரைப்படம் வருணன். இப்படத்தை யாக்கை பிலிம்ஸ் தயாரிப்பில் ஜெயவேல்முருகன் இயக்கியுள்ளார்.
படத்தில் ராதா ரவி, சரண்ராஜ், ஷங்கர்நாக் விஜயன், ஹரிபிரியா, ஜீவா ரவி, மகேஷ்வரி மற்றும் பலர் முக்கிய கதாப்பாத்திரத்தில் நடித்துள்ளனர். படத்தின் இசையை போபோ சாஷி மேற்கொண்டுள்ளார். ஒளிப்பதிவை ஸ்ரீராம சந்தோஷ் மேற்கொண்டுள்ளார். இப்படம் நேற்று ( மே 1) ஆஹா ஓடிடி தளத்தில் வெளியானது.
சதாசிவம் சின்னராஜ் எழுதி இயக்கி, நாயகனாக நடித்துள்ள படம், 'இஎம்ஐ- மாதத் தவணை'. சாய் தான்யா கதாநாயகியாக நடித்துள்ள இப்படத்தில், பேரரசு, பிளாக் பாண்டி, ஆதவன், ஓஏகே சுந்தர், லொள்ளுசபா மனோகர் ஆகியோர் முக்கிய கதாபாத்திரங்களில் நடித்துள்ளனர். இப்படம் நேற்று ( மே 1) டெண்ட்கொட்டா ஓடிடி தளத்தில் வெளியானது.
அணில் விஸ்வநாத் இயக்கியுள்ள படம் `28 டிகிரி செல்சியஸ்'. இப்படம் கடந்த மாதம் 29-ம் தேதி அமேசான் பிரைம் ஓடிடி தளத்தில் வெளியானது.
திரையரங்குகளில் வெளியிடப்படாத முத்தையா திரைப்படத்தை பாஸ்கர் மவுரியா இயக்கியுள்ளார். கே. சுதாகர் ரெட்டி முக்கிய வேடத்தில் நடித்திருக்கும் இப்படம் நேற்று ( மே 1) ஈடிவி வின் ஓடிடி தளத்தில் வெளியானது.
'ஜோ அண்ட் ஜோ' , 'ஜர்னி ஆப் லவ் 18' பிளஸ் படங்களை இயக்கிய அருண் டி ஜோஸ் இயக்கிய படம் `பிரோமன்ஸ்'. இப்படம் நேற்று ( மே 1) சோனி லிவ் ஓடிடி தளத்தில் வெளியானது.
விக்கி வருண் இயக்குனராக அறிமுகமான இந்தப் படத்தில் தான்யா ராம்குமார் முக்கிய கதாபாத்திரத்தில் நடித்துள்ளார். இப்படம் இன்று (மே 2) சன் நெக்ஸ்ட் ஓடிடி தளத்தில் வெளியாகிறது.
புஷ்கர் சுனில் இயக்கியுள்ள வெப் தொடர் `பிளாக் வைட் அண்ட் கிரே'. இந்த வெப் தொடர் இன்று( மே 2) சோனி லிவ் ஓடிடி தளத்தில் வெளியாகிறது.
ஷாஹிர் ரஸா இயக்கியுள்ள சீரிஸ் `குல்:தி லெகசி ஆப் தி ரைசிங்க்ஸ்'. இப்படம் இன்று ( மே 2) ஜியோ ஹாட்ஸ்டார் ஓடிடி தளத்தில் வெளியாகிறது.