பெண் மீது தாக்குதல்; கணவர் கைது

நெல்லை:

பாளையங்கோட்டை அருகே உள்ள தெற்கு அரியகுளம் பகுதியைச் சேர்ந்தவர் சசிகுமார். இவருடைய மனைவி ஜூலியட் (வயது 40). சம்பவத்தன்று கணவன்-மனைவி இடையே தகராறு ஏற்பட்டது. இதில் ஆத்திரமடைந்த சசிகுமார், ஜூலியட்டை அவதூறாக பேசி தாக்கியதாக கூறப்படுகிறது. இதுகுறித்து ஜூலியட் பாளையங்கோட்டை தாலுகா போலீஸ் நிலையத்தில் புகார் செய்தார். இன்ஸ்பெக்டர் பாலகிருஷ்ணன் விசாரணை நடத்தி, சசிகுமாரை கைது செய்தார்.