மும்பை,
இந்தியா கூட்டணி கூட்டத்தில் கலந்து கொள்வதற்காக முக்கிய எதிர்க்கட்சி தலைவர்கள் மும்பையில் குவிந்து வருகின்றனர். இந்த வகையில் ராஷ்டிரீய ஜனதா தளம் கட்சியின் தலைவர் லாலு பிரசாத் யாதவும் மும்பைக்கு வந்துள்ளார். உடன் அவரது மகனும், பீகார் துணை முதல்-மந்திரியுமான தேஜஸ்வி யாதவும் வந்துள்ளார். இந்த நிலையில் நேற்று முன்தினம் லாலு பிரசாத் யாதவ் மும்பையில் உள்ள ஆசிய இருதய இன்ஸ்டிடியூட் தனியார் ஆஸ்பத்திரிக்கு சென்றார். அவர் வழக்கமான பரிசோதனைக்காக அங்கு வந்ததாக கூறப்பட்டது. இந்தநிலையில் 2-வது நாளாக நேற்றும் அவர் ஆஸ்பத்திரிக்கு வந்ததாக அந்த ஆஸ்பத்திரி வட்டாரங்கள் தெரிவித்தன. லாலு பிரசாத் யாதவ் கடந்த 2014-ம் ஆண்டு இதே ஆஸ்பத்திரியில் இருதய அறுவை சிகிச்சை செய்துகொண்டது குறிப்பிடத்தக்கது.