மோட்டோரோலா நிறுவனம் புதிதாக ஜி 84 என்ற பெயரிலான ஸ்மார்ட்போனை அறிமுகம் செய்துள்ளது. இது 6.55 அங்குல முழு ஹெச்.டி. பிளஸ் போலெட் திரையைக் கொண்டுள்ளது. இதில் ஆக்டாகோர் ஸ்நாப்டிராகன் 695 8 என்.எம். பிராசஸர் பயன்படுத்தப் பட்டுள்ளது.
8 ஜி.பி. ரேம், 128 ஜி.பி. நினைவகம் மற்றும் 12 ஜி.பி. ரேம், 256 ஜி.பி. நினைவகம் கொண்ட இதன் நினைவகத் திறனை 1 டி.பி. வரை விரிவாக்கம் செய்து கொள்ளலாம். இரண்டு சிம் கார்டுகள் போடும் வசதி உள்ளது. பின்புறம் 50 மெகா பிக்ஸெல் கேமரா, முன்புறம் 16 மெகா பிக்ஸெல் கேமரா, பக்கவாட்டுப் பகுதியில் விரல் ரேகை உணர் சென்சார் ஆகிய வசதிகளும் இதில் உள்ளது. 5 ஆயிரம் எம்.ஏ.ஹெச். திறன் கொண்ட பேட்டரி 30 வாட் டர்போ சார்ஜருடன் வந்துள்ளது. இதன் விலை சுமார் ரூ.21,499.