புதுடெல்லி,
அரபிக்கடல் பகுதியில் அமைந்துள்ள லட்சத்தீவுக்கூட்டங்களின் மினிக்கோய் தீவு அருகே 3 படகுகள் சந்தேகத்துக்கு இடமான வகையில் சென்று கொண்டிருந்ததை இந்திய கடலோர காவல்படை அதிகாரிகள் கண்டறிந்தனர். உடனடியாக கடலோர காவல்படையின் படகுகள் மற்றும் ஹெலிகாப்டர் அங்கு விரைந்து சென்றன. பின்னர் அந்த 3 படகுகளையும் சுற்றி வளைத்து அவற்றில் சோதனையிடப்பட்டது.
அப்போது அந்த படகுகளில் 300 கிலோ ஹெராயின், 5 ஏ.கே.ரக துப்பாக்கிகள், 1000 தோட்டாக்கள் போன்றவை இருந்தன. இதனால் அதிர்ச்சியடைந்த அதிகாரிகள் உடனடியாக அந்த படகுகளை அருகில் உள்ள துறைமுகத்துக்கு கொண்டு சென்றனர். அங்கு படகில் இருந்தவர்களிடம் விசாரணை நடந்து வருகிறது. இந்த சம்பவம் பெரும் அதிர்ச்சியை ஏற்படுத்தி உள்ளது.