புதுடெல்லி,
இந்தியாவில் உள்ள சீன தூதரகத்தின் செய்தி தொடர்பாளர் வாங் ஜியாவ்ஜியான் கூறும்போது, வர்த்தகம், படிப்பு, சுற்றுலா, பணி, குடும்பத்துடன் மீண்டும் ஒன்றிணைவது போன்ற நோக்கங்களுக்காக இந்தியர்களுக்கு சீனா சார்பில் விசா வழங்கப்பட்டு வருகிறது.
இதன்படி, 2023-ம் ஆண்டின் முதல் பாதி வரை, சீனாவுக்கு பயணம் செய்ய கூடிய இந்திய நாட்டினருக்கு 71,600-க்கும் மேற்பட்ட விசாக்களை சீன தூதரகம் வழங்கி இருக்கிறது என கூறியுள்ளார்.
கடந்த மே மாதத்தில், 60 ஆயிரத்திற்கும் கூடுதலான விசாக்களை சீனா செல்ல கூடிய இந்தியர்களுக்கு சீன தூதரகம் வழங்கி உள்ளது என வாங் கூறினார்.
கடந்த மார்ச் மாதத்தில், 3 ஆண்டுகளுக்கு பின்னர் முதன்முறையாக இந்தியா உள்பட வெளிநாட்டு சுற்றுலாவாசிகளை நாட்டுக்குள் அனுமதிப்பது என சீனா அறிவிப்பு வெளியிட்டு இருந்தது.