புதுடெல்லி,
சுப்ரீம் கோர்ட்டு உத்தரவின்படி அமைக்கப்பட்ட காவிரி மேலாண்மை ஆணையம் மற்றும் காவிரி ஒழுங்காற்றுக்குழு ஆகிய அமைப்புகள் அவ்வப்போது கூடி காவிரி நீர் பங்கீட்டு பிரச்சினைகள் தொடர்பாக விவாதித்து தீர்வு கண்டு வருகின்றன. இதன் அடிப்படையில் காவிரி ஒழுங்காற்றுக்குழுவின் 111-வது கூட்டம் இன்று (புதன்கிழமை) நடக்க இருக்கிறது. இதைப்போல நாளை (வியாழக்கிழமை) காவிரி மேலாண்மை ஆணையத்தின் 37-வது கூட்டம் நடைபெறுகிறது.
இந்த கூட்டங்களில் பங்கேற்கும்படி தமிழகம், புதுச்சேரி, கர்நாடகம் மற்றும் கேரளா ஆகிய காவிரியோடு தொடர்புடைய 4 மாநிலங்களுக்கும் ஆணைய தலைவர் எஸ்.கே.ஹல்தார் மற்றும் ஒழுங்காற்றுக்குழு தலைவர் வினீத் குப்தா ஆகியோர் அழைப்பு விடுத்துள்ளனர்.