புதுச்சேரி,
புதுச்சேரி சுகாதாரத்துறை வெளியிட்ட அறிவிப்பின்படி, அங்கு கடந்த 24 மணி நேரத்தில் புதிதாக 59 பேருக்கு (1.69 சதவீதம்) கொரோனா தொற்று உறுதி செய்யப்பட்டதாக தெரிவிக்கப்பட்டுள்ளது. அதில் புதுச்சேரி - 48 பேருக்கும், காரைக்கால் - 3 பேருக்கும், மாஹே - 8 பேருக்கும் என தொற்று கண்டறியப்பட்டுள்ளது. இதன்மூலம் புதுச்சேரி மாநிலத்தில் மொத்த பாதிப்பு எண்ணிக்கை 1 லட்சத்து 22 ஆயிரத்து 832 ஆக அதிகரித்துள்ளது.
தற்போது மருத்துவமனைகளில் 151 பேரும், வீடுகளில் தனிமைப்படுத்தப்பட்ட நிலையில் 757 பேரும் என மொத்தமாக மாநிலம் முழுவதும் 908 பேர் சிகிச்சையில் உள்ளனர். காரைக்கால் திருநள்ளாற்றைச் சேர்ந்த 2 பேர் தொற்று பாதித்து சிகிச்சைப் பலனின்றி உயிரிழந்துள்ளனர். இதனால் உயிரிழந்தோர் எண்ணிக்கை 1,808 ஆக அதிகரித்துள்ளது. இறப்பு விகிதம் 1.47 சதவீதமாக உள்ளது.
புதிதாக 112 பேர் சிகிச்சை முடிந்து வீடு திரும்பியுள்ளனர். இதனால் குணமடைந்தோர் எண்ணிக்கை 1 லட்சத்து 20 ஆயிரத்து 116 (97.79 சதவீதம்) ஆக உள்ளது. இதுவரை 16 லட்சத்து 6 ஆயிரத்து 844 கொரோனா பரிசோதனைகள் செய்யப்பட்டுள்ளன. சுகாதாரப் பணியாளர்கள், முன்களப் பணியாளர்கள், பொதுமக்கள் என மொத்தம் 7 லட்சத்து 77 ஆயிரத்து 866 பேருக்கு (2-வது டோஸ் உட்பட) தடுப்பூசி போடப்பட்டுள்ளது என்று அதில் தெரிவிக்கப்பட்டுள்ளது.