மும்பை,
மும்பை குண்டுவெடிப்பு வழக்கில் தொடர்புடைய நிழல் உலக தாதா தாவூத் இப்ராகிம் பாகிஸ்தானில் தலைமறைவாக இருப்பதாக கூறப்படுகிறது. இந்தநிலையில் அவரது சொத்துகளை மராட்டிய அரசு ஏலத்தில் விட்டு வருகிறது. கடந்த மாதம் தாவூத் இப்ராகிமுக்கு சொந்தமான 6 சொத்துகள் ஏலமிடப்பட்டது. அப்போது தொழில் நுட்ப கோளாறு காரணமாக அவரது 3 சொத்துகளை ஏலத்தில் விட முடியவில்லை.
இந்த நிலையில் அந்த 3 சொத்துகளுக்கான ஏலம் நேற்று நடந்தது. ரத்னகிரி மாவட்டம் லோதே கிராமத்தில் உள்ள 30 ஆயிரம் சதுர அடி, மற்றும் 50 ஆயிரம் சதுர அடி பரப்பளவு கொண்ட இரு நிலங்கள் மற்றும் ஒரு கட்டிடம் ஆகியவை விற்பனை செய்யப்பட்டது. 3 சொத்துகளையும் கேத் பகுதியை சேர்ந்த ரவீந்திர கதே என்பவர் ரூ.1 கோடியே 10 லட்சத்துக்கு ஏலத்தில் எடுத்தார்.
அதே வேளையில் தாவூத் இப்ராகிமின் நெருங்கிய கூட்டாளியான மறைந்த தாதா இக்பால் மிர்சியின் சொத்துகளை ஏலத்தில் எடுக்க யாரும் முன்வரவில்லை.
