மத்திய மந்திரி அமித்ஷாவை சந்தித்தார் முதல் அமைச்சர் மு.க ஸ்டாலின்

புதுடெல்லி,

தி.மு.க. கட்சி அலுவலகம் டெல்லியில் பிரமாண்டமாக கட்டப்பட்டு உள்ளது. அண்ணா - கலைஞர் அறிவாலயம் என்று பெயரிடப்பட்டு உள்ள அந்த கட்டிடத்தின் திறப்பு விழா வருகிற 2-ம் தேதி(சனிக்கிழமை) நடக்கிறது.

தி.மு.க. அலுவலக திறப்பு விழா மற்றும் பல்வேறு நிகழ்ச்சிகளில் பங்கேற்பதற்காக முதல்-அமைச்சர் மு.க.ஸ்டாலின் 4 நாள் பயணமாக நேற்று டெல்லி சென்றார். டெல்லி சென்ற அவருக்கு உற்சாக வரவேற்பு அளிக்கப்பட்டது.

இந்நிலையில், மத்திய உள்துறை மந்திரி அமித்ஷாவை முதல் அமைச்சர் மு.க. ஸ்டாலின் இன்று சந்தித்தார்.

முன்னதாக முதல்-அமைச்சர் மு.க.ஸ்டாலின், பிரதமர் மோடி மற்றும் காங்கிரஸ் தலைவர் சோனியா காந்தியை சந்தித்து பேசினார் என்பது குறிப்பிடத்தக்கது