‘தட்கல்’ டிக்கெட் கொடுக்க லஞ்சம் வாங்கிய ரெயில்வே ஊழியர் கைது

ஜெய்ப்பூர்,

ராஜஸ்தான் மாநிலம் பில்வாரா மாவட்டத்தில் உள்ள குலப்புரா ரெயில் நிலையத்தில் பணியாற்றி வரும் கணேஷ்லால் ஜெயினிடம் பயணி ஒருவர் 4 தட்கல் டிக்கெட் கேட்டு விண்ணப்பித்தார். அதற்கு ரூ.1600-ஐ லஞ்சமாக தந்தால் டிக்கெட் கொடுப்பதாக கணேஷ்லால் ஜெயின் கூறியதாக தெரிகிறது.

இதுகுறித்து அந்த பயணி லஞ்ச ஒழிப்பு துறையினருக்கு தகவல் கொடுத்தார். அதன்பேரில் அங்கு வந்த போலீசார் கணேஷ்லால் ஜெயின் லஞ்சம் வாங்கும்போது கையும் களவுமாக பிடித்து கைது செய்தனர்.