மணிப்பூரில் துப்பாக்கிகள், வெடிகுண்டுகள் பறிமுதல்

இம்பால்,

மணிப்பூர் மாநிலம் காங்கோக்பி மாவட்டத்தில் உள்ளது கெய்தல்மன்பி போலீஸ்நிலையம். இதன் எல்லைக்கு உட்பட்ட லங்கோங்ஜங் மலைத்தொடரில் போலீசார்-பாதுகாப்பு படையினர் தேடுதல் வேட்டை நடத்தியபோது, ஆயுதங்கள் மற்றும் வெடிபொருட்கள் கைப்பற்றப்பட்டன.

7.62 ஸ்னைபர் துப்பாக்கி, தோட்டாக்களுடன் 9 எம்.எம். துப்பாக்கிகள்-5, எஸ்.பி.பி.எல். துப்பாக்கிகள்-2, கையெறி குண்டுகள்-2, ஏராளமான வெடிபொருட்கள், கண்ணீர் புகை குண்டுகள் ஆகியவை கைப்பற்றப்பட்டதாக தெரிவிக்கப்பட்டு உள்ளது.