புதுடெல்லி,
சர்வதேச யோகா தினம் இன்று (ஞாயிற்றுக்கிழமை) உலகம் முழுவதும் கொண்டாடப்படுகிறது. இதையொட்டி மத்திய கலாசாரம், சுற்றுலா துறை மந்திரி பிரகலாத் படேல் ஒரு அறிக்கை வெளியிட்டுள்ளார்.
அதில் அவர், சர்வதேச யோகா தினத்தையொட்டி நான் புராண கிலாவில் சூரிய நமஸ்காரம் செய்வேன். அப்போது பொதுமக்கள் தங்கள் வீடுகளில் இருந்து, என்னுடன் இணையுமாறு கேட்டுக்கொள்கிறேன். பிரதமர் நரேந்திர மோடி யோகா தினத்தை உலகுக்கு பரிசாக வழங்கியுள்ளார். நாம் நமது அன்றாட வாழ்வில் யோகா பயிற்சி செய்வோம் என கூறி உள்ளார்.
அவர் சமூக வலைத்தளம் ஒன்றில் ஒரு வீடியோ செய்தியும் வெளியிட்டுள்ளார். அதில் அவர் இன்று காலை 7 மணிக்கு தன்னுடன் 1 கோடிப்பேர் சூரிய நமஸ்காரத்தில் இணைவார்கள் என்று எதிர்பார்ப்பதாக கூறி உள்ளார்.