ஸ்ரீநகர்,
காஷ்மீரில் உள்ள பூஞ்ச் மாவட்டத்தின் கஸ்பிலாரி என்ற பகுதியில் ஆயுதங்கள் பதுக்கி வைக்கப்பட்டிருப்பதாக தகவல் கிடைத்ததையடுத்து, இந்திய ராணுவம் மற்றும் காவல்துறையினர் இணைந்து தீவிர தேடுதல் வேட்டை நடத்தினர்.
அப்போது அங்குள்ள ஒரு வீட்டில் 3 துப்பாக்கிகள், 6 கையெறி குண்டுகள், துப்பாக்கி தோட்டாக்கள் உள்ளிட்ட ஆயுதங்கள் பறிமுதல் செய்யப்பட்டதாக காவல்துறை தரப்பில் தெரிவிக்கப்பட்டுள்ளது. இந்த ஆயுதங்கள் எல்லை தாண்டி கடத்தி வரப்பட்டவையாக இருக்கலாம் என சந்தேகிக்கப்படுவதாகவும், இதில் சம்பந்தப்பட்டவர்கள் குறித்து தொடர்ந்து விசாரணை நடத்தப்பட்டு வருவதாகவும் தெரிவிக்கப்பட்டுள்ளது.