திருவனந்தபுரம்,
கேரள முதல் மந்திரி பினராயி விஜயன் மருத்துவ சிகிச்சை பெறுவதற்காக, அடுத்த மாதம் அமெரிக்கா செல்கிறார். இது தொடர்பாக முதல் மந்திரியின் அலுவலக வட்டார தகவல்கள் கூறியதாவது:-
முதல் மந்திரி பினராயி விஜயன் அமெரிக்காவில் உள்ள மேயோ கிளினிக்கில் சிகிச்சை பெறவுள்ளார். அவர் ஆகஸ்ட் மாதம் 19-ஆம் தேதி அமெரிக்கா செல்கிறார். அவருடைய பயணத்துக்கு தேவையான ஒப்புதல்கள் மத்திய அரசிடம் இருந்து பெறப்பட்டு விட்டன என்று தெரிவிக்கப்பட்டுள்ளது.
73- வயதான பினராயி விஜயனுக்கு சென்னையில் உள்ள அப்பல்லோ மருத்துவமனையில் கடந்த மார்ச் மாதம் 3 ஆம் தேதி வருடாந்திர மருத்துவ பரிசோதனை மேற்கொள்ளப்பட்டது குறிப்பிடத்தக்கது.
