மக்களவை தேர்தல் தொடர்பாக காங்கிரஸ் மூத்த தலைவர்களுடன் மல்லிகார்ஜுன கார்கே இன்று ஆலோசனை

புதுடெல்லி,

இந்தியாவில் நாடாளுமன்ற மக்களவை தேர்தல் இன்னும் சில மாதங்களில் நடைபெற உள்ளது. இந்த தேர்தலை எதிர்கொள்வதற்கான வியூகங்கள் குறித்து காங்கிரஸ் கட்சியின் மூத்த தலைவர்கள் மற்றும் நிர்வாகிகளுடன் அக்கட்சியின் தலைவர் மல்லிகார்ஜுன கார்கே இன்று ஆலோசனை நடத்த உள்ளார்.

இந்த ஆலோசனைக் கூட்டத்தில் எதிர்கட்சிகளின் 'இந்தியா' கூட்டணியுடனான தொகுதி பங்கீடு தொடர்பாகவும் ஆலோசிக்கப்பட உள்ளது. இதில் காங்கிரஸ் கட்சியின் முன்னாள் தலைவர் சோனியா காந்தி, காங்கிரஸ் எம்.பி. ராகுல் காந்தி உள்ளிட்டோர் பங்கேற்க உள்ளனர்.