புதுடெல்லி,
மத்திய அரசின் பல்வேறு அமைச்சகங்கள், துறைகள் மற்றும் முகமைகளின் அனைத்து விருதுகளையும் ஒருங்கிணைத்து கொண்டுவர, பொதுவான தேசிய விருது இணையப்பக்கம் https://awards.gov.in மத்திய அரசால் உருவாக்கப்பட்டுள்ளது. வெளிப்படை தன்மையையும், பொதுமக்களின் பங்கேற்பையும் உறுதி செய்வதற்காக விருதுகளுக்கு தனிநபர்களை அல்லது நிறுவனங்களை பரிந்துரை செய்யும் குடிமக்கள் அல்லது அமைப்புகளுக்கு இந்த இணையப்பக்கம் வசதி செய்கிறது. இதுகுறித்து மத்திய உள்துறை அமைச்சகம் ஏற்கனவே தெரிவித்து இருந்தநிலையில் தற்போது மீண்டும் அதனை நினைவூட்டி உள்ளது. இதன்படி பத்ம விருது உள்பட பல்வேறு விருதுகளுக்கு விண்ணப்பிப்பதற்கான கடைசி தேதி விவரமும் அறிவிக்கப்பட்டுள்ளது.
இதுபற்றிய மேலும் விவரங்களுக்கு இணைய பக்கத்தை பார்வையிடுமாறு அமைச்சகம் கேட்டுள்ளது.