காந்திநகர்,
குஜராத் மாநிலம் கட்ச் மாவட்டத்தில் நேற்று மிதமான நிலநடுக்கம் ஏற்பட்டது. பாச்சு என்ற இடத்தில் இருந்து 6 கி.மீ தொலைவில் வடமேற்கு பகுதியை மையமாக வைத்து ஏற்பட்ட இந்த நிலநடுக்கம் ரிக்டர் அளவுகோலில் 4.2 புள்ளிகளாக பதிவானது. இந்த நிலநடுக்கத்தால் உயிர்ச்சேதமோ, பொருட்சேதமோ ஏற்பட்டதாக தகவல் இல்லை.
கட்ச் மாவட்டம் அடிக்கடி நிலநடுக்கம் ஏற்படும் பகுதியில் அமைந்துள்ளது. குஜராத் மாநிலத்தில் இந்த மாதம் மட்டும் சுமார் 40-க்கும் மேற்பட்ட நில அதிர்வுகள் ஏற்பட்டுள்ளது குறிப்பிடத்தக்கது.