பாட்னா,
பீகார் மாநிலம் பாட்னாவில் ராஷ்டிரீய ஜனதாதளம் கட்சியின் தேசிய நிர்வாக குழு கூட்டம் நேற்று நடைபெற்றது. கூட்ட முடிவில் கட்சியின் பொதுச் செயலாளர் காமர் ஆலம், மாநில தலைவர் ராம்சந்திர புர்வே ஆகியோர் நிருபர்களிடம் கூறியதாவது:-
அடுத்த ஆண்டு நடைபெற உள்ள மாநில சட்டமன்ற தேர்தலை தேஜஸ்வி பிரசாத் யாதவ் தலைமையில் சந்திப்போம். தேஜஸ்வி இந்த தேர்தலில் முதல்-மந்திரி வேட்பாளராக போட்டியிடுவார் என நிர்வாக குழு கூட்டத்தில் முடிவு செய்யப்பட்டுள்ளது. அவருக்கு தேவையான ஆலோசனைகளை கட்சி தலைவர் லாலுபிரசாத் வழங்குவார். இவ்வாறு அவர்கள் கூறினார்கள்.
தேஜஸ்வி, லாலுபிரசாத் யாதவின் மகன் என்பது குறிப்பிடத்தக்கது.
