குஜராத் மாநிலம் வதோதாராவைச் சேர்ந்த வானியல் வல்லுநர் கரண் ஜானி அமெரிக்காவில் வசித்து வருகிறார். இவர் தனது நண்பர்கள் 3 பேருடன் அட்லாண்டாவில் உள்ள ஸ்ரீ சக்தி மந்திர் என்ற கோவிலில் உள்ள கர்பா நடன மையத்துக்கு சென்றபோது அவர்களை வெளியேறுமாறு அமைப்பாளர்கள் வலியுறுத்தியதாக கரண் ஜானி தனது சமூக வலைதளப் பக்கத்தில் தெரிவித்துள்ளார்.
தான் 6 ஆண்டுகளாக கர்பா நடனத்துக்கு வருவதாகவும் இதுவரை பிரச்சினை ஏற்பட்டதில்லை என்று கூறியும் அவர்களின் பெயரோ, முகமோ இந்து பெயராகவும், இந்து முகமாகாவும் இல்லை என்று கூறி தாங்கள் விரட்டப்பட்டதாக கூறியுள்ள அவர், அது தொடர்பான வீடியோவையும் வெளியிட்டுள்ளார்.