சத்தீஷ்கரில் உள்ள குருத்வாராவில் காங். தலைவர் ராகுல் காந்தி வழிபாடு

ரஜ்னாட்கன்,

சட்டமன்ற தேர்தல் நடைபெற உள்ள சட்டீஷ்கரில் அனல் பறக்கும் பிரசாரம் நடைபெற்று வருகிறது. பிரதமர் மோடி நேற்று தீவிர பிரசாரம் மேற்கொண்டார். அதேபோல், காங்கிரஸ் தலைவர் ராகுல் காந்தி நேற்று முதல் சட்டீஷ்கரில் சுற்றுப்பயணம் செய்து தீவிர பிரசாரத்தில் ஈடுபட்டு வருகிறார். இந்த நிலையில், இன்று காலை ராஜ்னாட்கன் பகுதியில் உள்ள குருத்வாராவில் வழிபாடு நடத்தினார். ராகுல் காந்தியுடன் காங்கிரஸ் கட்சி நிர்வாகிகளும் வழிபாடு நடத்தினர்.

90 சட்டமன்ற தொகுதிகளை கொண்ட சட்டீஷ்கர் சட்டமன்றத்துக்கு வரும் நவம்பர் 12 மற்றும் 20 ஆகிய தேதிகளில் இரண்டு கட்டமாக தேர்தல் நடைபெற உள்ளது. வாக்கு எண்ணிக்கை டிசம்பர் 11 ஆம் தேதி நடைபெறுகிறது.