புதுடெல்லி,
டெல்லியில் சாலை பாதுகாப்பு வார விழா நேற்று நடந்தது. விழாவில் மத்திய மந்திரிகள் சுஷ்மா சுவராஜ், ராஜ்நாத் சிங், நிதின் கட்காரி, ஹர்சவர்த்தன் உள்ளிட்டோர் கலந்து கொண்டனர்.
மத்திய மந்திரி நிதின் கட்காரி பேசுகையில், நாட்டில் ஒவ்வொரு ஆண்டும் சுமார் 5 லட்சத்துக்கும் மேற்பட்ட சாலை விபத்துகள் நடைபெறுகின்றன. இதில் 1 லட்சத்துக்கும் அதிகமானோர் உயிர் இழக்கின்றனர். மக்களின் உயிரை பாதுகாப்பது நமது கடமை. விபத்து நடைபெறும் இடங்களில் நெடுஞ்சாலைகளை சீரமைக்க 5 ஆண்டுகளுக்கு ரூ.11 ஆயிரம் கோடி ஒதுக்கீடு செய்யப்பட்டு உள்ளது. விபத்து இல்லாத தரமான சாலைகளை உருவாக்குவதே அரசின் நோக்கம். விபத்துகளை தவிர்க்க ஓட்டுனர் உரிமம் பெறுபவர்கள் கண்டிப்பாக முறையான ஓட்டுனர் பயிற்சி பெற வேண்டும் என்றார்.
மகாத்மா காந்தியின் 150-வது பிறந்தநாளையொட்டி கார் பேரணி தொடங்கி வைக்கப்பட்டது. இந்த பேரணி குஜராத் மாநிலம் சபர்மதியில் தொடங்கி வங்காளதேசம் வழியாக மியான்மரில் 24-ந் தேதி நிறைவடைகிறது.