பாக். - ராஜஸ்தான் எல்லையில் பதற்றம்: ரெயில் சேவையில் மாற்றம்

ஜெய்ப்பூர்:

ராஜஸ்தானில் உள்ள விமானப்படை தளங்களை குறிவைத்து பாகிஸ்தான் ராணுவம் நேற்றிரவு டிரோன்கள் மூலம் தாக்குதல் நடத்த முயற்சி செய்தது. இந்த டிரோன்களை இந்திய விமானப்படை நடுவானில் அழித்தது. ராஜஸ்தான் எல்லை பகுதியிலும் இந்திய-பாகிஸ்தான் ராணுவத்திற்கு இடையே கடும் சண்டை நடந்து வருகிறது. இதனை தொடர்ந்து ராஜஸ்தானில் ரெயில் சேவைகள் பாதிக்கப்பட்டது.

இந்த நிலையில் ராஜஸ்தானின் பகத் கி கோத்தி - பார்மர், பார்மர் - முனாபாவ் ரெயில்கள் முழுமையாக ரத்து செய்யப்பட்டது. மேலும் ஜோத்பூர் - தாதர், ஜோத்பூர் - வாரணாசி எக்ஸ்பிரஸ் ஜோத்பூரில் இருந்து காலை 8.25 மணிக்குப் பதிலாக காலை 11.25 மணிக்கு புறப்படும். இந்த ரெயில் 3 மணி நேரம் தாமதமாக இயக்கப்படுகிறது.

இதனை தொடர்ந்து ராஜஸ்தானில் 10க்கும் மேற்பட்ட ரெயில்கள் தாமதமாக இயக்கப்படுவதாக தகவல் வெளியாகி உள்ளது. இது தற்காலிக ரத்து மட்டுமே, சூழ்நிலை தொடரும் பட்சத்தில் மேலும் சில ரெயில்கள் ரத்து செய்யப்படலாம் என தெரிவிக்கப்பட்டுள்ளது.