புதுடெல்லி,
அமெரிக்க அதிபர் டொனால்டு டிரம்பிற்கு ஜனாதிபதி மாளிகையில் சிவப்பு கம்பள வரவேற்பு அளிக்கப்பட்டது. ஜனாதிபதி மாளிகையில், ஜனாதிபதி ராம்நாத் கோவிந்த், பிரதமர் மோடி ஆகியோர் டிரம்ப் மற்றும் அவரது மனைவி மெலனியா டிரம்பை வரவேற்றனர்.
இதையடுத்து, முப்படைகளின் அணி வகுப்பு மரியாதையையும் டிரம்ப் ஏற்றுக்கொண்டார். தொடர்ந்து முக்கிய பிரமுகர்களை டிரம்பிற்கு ஜனாதிபதி அறிமுகம் செய்து வைத்தார். அதேபோல், அமெரிக்க பிரமுகர்களை டிரம்ப், ஜனாதிபதி ராம்நாத் கோவிந்திற்கு அறிமுகம் செய்து வைத்தார்.